ابڙو اڪيڊمي Abro Academy
2020-07-22
داخلا نمبر 607
عنوان ٽِيٽو، ننڍو ڳاني (وارو)
شاخ پکي
پڙهيو ويو 348
داخلا جو حوالو:
ٽِيٽو، ننڍو ڳاني (وارو)
15 سينٽي ميٽر جسامت واري هن ٽيٽي جا نر ماد هڪجهڙا ٿين ٿا. مٿي ۽ پٺي جو رنگ ميرانجهڙو ناسي، اکين تي حلقو، هيڊون گلابي ٽنگون، پيٽ اڇو ۽ ڳچيءَ ۾ ڪارو ڳانو اٿس، جيڪو اڪثر نا مڪمل هوندو آهي. پَرن کي پوئين ڪناري گهري سرمائي ليڪ هوندي اٿس.
ٻين ٽيٽن وانگر هي پکي به اوچتو ڊوڙ ڀري وري هڪدم بيهي رهندو آهي ۽ هيڏانهن هوڏانهن نهاريندو آهي. طبيعت ۾ ٽاهڙ آهي. ان جو اڳيون بُت مشيني انداز ۾ هيٺ جهڪندو آهي. هي مقامي پکي آهي ۽ ان جي ٻولي هيٺانهين ، گهٽ آواز ۽ ورجاءَ واري آهي.